Interessents
Tge signifitga la vita da student per tai? Participar a moda anonima a las prelecziuns universitaras ed absolver solitariamain ils examens? Ta fas ti patratgs davart tia vita ed il contact cun tes collegas da l'universitad suenter che ti has finì il studi? Vuls ti esser dapli che mo in tranter millis? Has ti l'intenziun da far carriera e da far da tia vita insatge extraordinari?
Nus avain las respostas a questas dumondas.
Tge avantatgs ha la commembranza en in'uniun da students?
- avair amis che ti vegns ad entupar er anc suenter il studi
- far experientschas ed amicizias che ti na pudessas mai far sco student ordinari
- avair la pussaivladad d'emprender d'enconuscher students d'autras direcziuns da studi
- stabilir contacts cun students da tia direcziun da studi en semesters pli auts che ta pon gidar durant il studi
- avair contact cun persunas da tut las direcziuns da studi ch'èn gia en la vita professiunala
- survegnir access a raits che ta pon organisar ina plazza da praticum
- daventar ina part d'ina tradiziun da 200 onns
Tge fa l'uniun da students Rodensteiner?
- Dar spada: nus essan in'uniun che permetta a ses commembers da dar spada (facultativamain) e mantegnain questa tradiziun studentica.
- Chantar: nus tgirain il stgazi da chanzuns studenticas tradiziunalas cun las chantar a pliras vuschs en noss chor.
- Biera: en las ustarias bavain nus tenor la veglia tradiziun studentica e sias reglas.
- Mintgadi: vesair il program semestril
Nus tgirain la cultura da students tradiziunala!
Tge spetg'ins da mai?
- l'interess a la vita d'ina uniun da students
- ina buna tenuta
- a l'entschatta sulettamain la prontadad d'emprender d'enconuscher nus; silsuenter dentant er in engaschi activ
- suenter ina fasa d'emprender d'enconuscher nus pretendain nus ina decisiun da princip: pro u contra l'adesiun a l'associaziun academica per tut la vita
Las proximas occurrenzas per interessents:
Il program semestril da l'uniun da students Rodensteiner
Restaurant Oberhof
Zürichbergstrasse 26, Turitg
(5 minutas da l'universitad/dal center da la SPF)
Co s'annunziar: sut info@rodensteiner.org, tenor cunvegna persunala u simplamain visitar nus spontanamain en nossas localitads.
